حارس مصر ( المشهد الاول )

بسم الله الرحمن الرحيم
حارس مصر

المشهد الاول
(مديرية الامن)

هريدى عبد العال هريدى شرطى درجة اولى فى احدى مدريات الامن ياتى الية زميلة الشرطى مرسال الذى يقوم بالبحث علية ليخبرة بشىء
*****************************************
مرسال : الحق يا منيل الباشا الضابط قالب عليك الدنيا كنت فين

هريدى : كنت بتفرج على محاكمة المخلوع اللى زفتها فوق راسنا اة لو يحكمونى علية دانا كنت اشرب من دمة زى ما مص دمنا

مرسال : يلا دلو مص دمنا كان مات من زمان دة كفاية علية شوية الماية اللى فيهم كانهم اية متعباين من بير بلهارسيا وفيرس وبائى دا لو مص دمنا ما كنتش الثورة قامت دا كان مات وارتاح

هريدى : لا يا فالح دا كان بيمص دمنا ويشرب وراة كازوزا

مرسال : انت اهبل ولا اية وكان هيجيب تمن الكازوزوا دة كلها منين دة عايزيلوا ولا فى اليوم ولا ب 100 جنية كازوزا

هريدى : لية انت ما تعرقش الولا ابنة دا ولا فالح قوى ومصاحب الراجل صاحب المستودع وكان كل يوم يجيبلة عربية كازوزا كدا واجب وعلشان الضيوف اللى بيجوا والناس دى ضيوفها كتير قوى

مرسال : لية هو صاحب المستودع دة ما كنش بياخد تمن الكازوزا ولا اية

هريدى : لا يا غبى ماهو كان يجيبلة الكازوزا اللى كسبانة وبعد ما يشربوها يرجعوا الغطيان

مرسال : يا ولاد الاية دانا الولا ابنى كان مزهقنى وفلوسة كلها ضايعة على الكازوزا وكان نفسة يكسب تى شيرت ولا كورة

هريدى : وما كسبش ولا مرة

مرسال : لا مرة لقى الغطا مكتوب علية ( ماتقولش اية ادتنا مصر قول هندى اية لمصر )

هريدى : طيب الحق قول لابنك روح التحرير وخد يفطة معاك واكتب عليها ( ياما شربنا كازوزا )
*****************************************
** ياتى اليهم فجاة ضابط مديرية الامن **
ضابط مديرية الامن : انت واقف هنا يا عسكرى الزفت وانا بدور عليك

هريدى : معلش يا باشا انا كنت جاى بس قلت اشرب كازوزا

ضابط مديرية الامن : كازوزاة اية دى اللى عايز تشربها

هريدى : كازوزاة مصر

ضابط مديرية الامن : طيب يلا وبلاش غلبة السيد مدير الامن عايزك ضرورى

هريدى : انا الباشا الكبير عايزنى يا وقعة سودة .... يا باشا انا بهزر والله ما شربت كازوزا ولا عمرى دوقتها
غير مرة واحدة فى طهور الواد ابن ابراهيم الحلاق وكان كمان اسمها سينا ...... سينا ,,,,,, ايوة سينا مش ليكم لا سيننكم زفت لا سبتهالكوا خربانة وابقوا اشبعوا بيها

ضابط مديرية الامن : طيب يلا يا اخوية وراية وبلاش غلبة