المشهد الثانى
مكتب مدير الامن
**** يطرق الباب ضابط مديرية الامن ويدخل على مدير الامن
ضابط مديرية الامن : مساء الخير يا افندم العسكرى اللى طالبة معاليك برة
مدير الامن : خلية يدخل
****ضابط مديرية الامن يخرج ويقول لهريدى :
مش عايز اى نفس انت وبتكلم الباشا وماتردش على اى كلمة .... انت تسمع بس
هريدى : حاضر يا باشا بس انا مش عارف عملت اية الله يخرب بيت الكازوزا
*** يدخل هريدى ويعطى التحية لمدير الامن ومعة الضابط
مدير الامن : انت الشرطى هريدى عبد العال هريدى
هريدى : مايردش
****مدير الامن يسال الضابط .... هو العسكرى دة اطرش
ضابط مدرية الامن : لا يا باشا دة شغال وبالضمان كمان ... بس وراة ريموت صينى ساعات بيعلق
ضابط مديرية الامن : ( مخاطبا هريدى ) رد على الباشا يا عسكرى الغبرة
هريدى : افندم .........................انا هريدى عبد العال هريدى من العمور مركز المراغة محافظة سوهاج
وطالع الاول فى الشهادة الابتدائية ..... وفى الشهادة الاعدادية اخدت ملحق فى الدراسات الاجنماعية
مدير الامن : ولية اخدت ملحق فى الدراسات الاجتماعية بالذات
هريدى : اصلة جابولى سؤال فى الامتحان ......................... اجب ماذا تعرف عن انوشكا ....................
.. روحت انا جوبت وقلت هى دى اللى فتحها الريس
راحوا مسقطنى ولما قولتلهم لية قالولى غلط مش هو دا ابنة
مدير الامن : انت شكلك هتتعبنا ولا اية
هريدى : لا ياباشا انت امرنى لو عايزنى اروح اقوللهم انك انت اللى فتحتها اجرى قوام
مدير الامن : الله يخرب بيتك شكلك كدة هتودينى جنبهم
هريدى : اوديك فين يا افندم سمح الله
مدير الامن : تودينى يا اخوية المزرعة
هريدى : لية يا باشا انت بتعرف تحلب
مدير الامن : اخرس
هريدى : اسف يا باشا يبقى معاليك بتعرف تعلف
مدير الامن : بردة اخرس
هريدى : لا يا باشا ملكش حق زهتقنى امال هتروح هناك تشتغل اية اوعى يا باشا تشتغل الشغلانة اللى دماغى ودتنى عليها ............. لا يا باشا كلة الا كدة انا مرضهالكش
مدير الامن : شغلانة اية دى يا زفت
هريدى : شغلانة كدة يعنى ..... يا بخت من من وفق راسين فى الحلال وكلة بثوابة
مدير الامن : لا يا فالح سبتهالك انت الشغلانة دى
هريدى : لا والف لا مش انا اللى اعمل كدة انا اخدم مصر بعنية بس ما اشتغلش الشغلانة دى
مدير الامن : لا هاتشتغل ....... وشكلك كدة هتزعلهم علشان يكسروا دماغك
هريدى : انا مش فاهم حاجة يا افندم
مدير الامن : انت وقع عليك الاختيار علشان تروح المزرعة
هريدى : وروح اعمل اية هناك
مدير الامن : تروح علشان تحمى مصر
انت يا بهيم منقول لسجن المزرعة وبكرة الصبح تروح تسلم نفسك هناك نفذ يا عسكرى
هريدى : امرك يا افندم
الرئيسية 
أحدث الصور 
الإثنين مايو 14, 2012 3:24 pm