حارس مصر ( المشهد الثالث )

المشهد الثالث
سجن المزرعة
****دخولة الى سجن المزرعة ومعاة الجواب اللى جاى بية
يسال لغاية ما يوصل الى مكتب قائد السجن وهناك يقابلة ضابط السجن

ضابط السجن : ايوة

هريدى : انا يا باشا منقول الى هنا

ضابط السجن : جاى من انة داهية

هريدى : انا بعتلى الباشا الكبير اللى واخد فرقة هنا ..... دى لية فى كل حاجة وتبعهم دا احسن منى ما جبتهوش لية هوا بدالى .... على الاقل بيعرف يشتغل كل حاجة فى المزرعة من الالف الى الياء ومن الباء الى الفاء
ضابط السجن : هات الجواب اللى معاك واستنانى هنا

*****يدخل الضابط الى القائد ويعطية الجواب ويقولة خلية يدخل
*****يخرج الضابط ويقول لهريدى تعالى ادخل للباشا
*****يدخل هريدى ويقوم باعطاء التحية للقائد

القائد : اسمك اية

هريدى : هريدى عبدالعال هريدى من محافظة سوهاج مركز المراغة قرية العمور وطالع الاول فى الشهادة الابتدائية وفى الاعدادية اخدت ملحق فى العلوم

القائد : ولية اخدت ملحق فى العلوم بالذات

هريدى : اصلة جابلوى سؤال ....... مصر عايزة اية من الخامات علشان تعمل مفاعل الضبعة النووى

القائد : وانت قولبت اية

هريدى : قولت هى عايزة راجل....... مش ياباشا صحيح الراجل الكبير .. مش دة اللى قابلية الله يرحمة ... كان كاتب على نفسة ورق انى احنا منصنعش غير بمب وممنوع نعمل حاجة زى كدة دا حتى ايران لما فكرت تعمل شوية كدة فرايحى يعنى مش موافقين ابدا وعاملين معاها مشاكل ........ والباشا الكبير بتاعنا الله يعفى عنة ............لما لقى المبب بتاع العيال اللى بيفرقعوة فى الشارع دة مضايقهم راح مانعة على طول ...... وكان الباشا بتاعنا يخلينا نطلع نلمة .... ولما قولتلة ياباشا البمب دة بتعملوا فى اية قالى بنبعتة ليهم علشان يتاكدوا انة بمب مش حاجة تانى ....
قولتلوا يابشا عارف دة عامل زى اية ... زى مايكون معاك بندقية وبتضرب بيها فى فرح تفاريح يعنى مش هتموت بيها ويقولوك ممنوع وهما يقتلة بيها ويحرقة بيها وما حدش ماكلمهم

القائد : اصلة هم معاهم رخصة و ورقهم سليم

هريدى : والرخصة دى بتيجى منين

القائد : من امريكا ومجلس الامن .......... خلينا فى موضوعنا انت احسن حاجة انك سقطت

هريدى : لية كدة يا باشا

القائد : يا بهيم لو نجحت وبقيت دكتور ولا مهندس ولا مدرس ولا واعظ كان ممكن تروح الوادى تقضى بقية عمرك هناك ولو ماروحتش الوادى ممكن تروح افغانستان وهناك ممكن ربنا يكرمك ويفتحها عليك ويخدوك على جوانتيناموا على طول وتبقى اية شرايط الفيديو بتاعتك مغرقة السوق .... دانتا كان ممكن تنافس عمرو دياب ولا الهيفا بنت وهبى بس ساعتها لازم يكون ليك اسم حركى

هريدى : واية الاسم الحركى دة يا باشا

القائد : يعنى اسم كدة لزوم الزنقة تتحرك بية فى اى مكان وممكن تفكة وتشيلة فى جيبك

هريدى : وانا اسم الحركى هيكون ساعتها اية يا باشا

القائد : انت شغلانتك فى الشرطة عسكرى صح

هريدى : ايوة

القائد : خلاص يبقى اسمك الحركى (ابو القفة )..... وتنزلك فيديو كليب او تسجيل صوتى تقول فية
من ( ابو القفة )امير الامارة الاسلامية فى بلاد ما وراء البحار... الى من تسول لة نفسة فى الشعب المصرى لو ما لمتوش الوش ....هاجى انتفلكوم دقنكم دى شعرة شعرة .. واعمل بيها بروكة
واخدها معاى ..... واوعدكم تانى تسجيل ... اقلولكم فية .... من ابو بروكة ( ابو القفة سابقا ) الى الشعب المصرى الاصيل
خلوا بالكم من حراميكم ..... الحريم اليومين دول بتخلع من جوازها سواء بمحضر فقد ولا برنة موبايل..... كل واحد يحوط على الموزة اللى معاة...... ويصحى ويخلى عينية وسط راسة..... واللى توة منة ....يعمللها صورة كبيرة ويحطها فى اول الشارع بس يكتب عليها.... امها مش امريكية.... دا حتى باين من شكلها.......... علشان مايعملناش مشاكل مع المشير اللى وقف معانا فى الثورة ولوكنت نسيتوا اتمشوا شوية لغاية سوريا وارجعوا تانى يمكن تفتكروا ...... ولو ما عرفتوش ترجعوا اوعوا تروحوا السعودية ......خرموا على تركيا.... ولو فى مشاكل قابليتكم فى تركيا ... اخطفوا رجليكم لغاية افغانستان ....وهتلاقونى انا ابو بروكة مستنيكوا... بس المرة دية هالبسلكوم البروكة ... واخليكم تعجنوا عجينة الفلاحة واللى ميعرفش يعجن .... هاخد قفاة وهيبقى معاية قفايين..... واسجلكم رسالة من( ابو قفايين ) بدون بروكة .. الجديد ..البروكة خلاص مشكلتها اتحلت ولقينا اللى لبسها .... قاعدة مشكلة امة ... هو مترشح علشان نحللة مشكلة امة ولا هيرشح امة علشان تحللة مشاكلة

هريدى : سيبنا ياباشا من سوريا والسعودية وافغانستان وتركيا... انا هاشتغل اية فى المزرعة

القائد : انت مش هتشتغل فى المزرعة انت شغلك هيكون فى الشيراتون

هريدى : يا باشا انتم حيرتونى الباشا هناك يقولى هتشتغل فى المزرعة وانت يا باشا تقولى هتشتغل فى الشيراتون ما ترجعونيش بلدى احسن اقعد جنب امى واحمد ربنا على كدة

القائد : لية يا هريدى انت مش متجوز

هريدى : لا يا باشا انا عندى 35 سنة ولسة ما تجوزتش

القائد : لية ما فكرتش فى الجواز

هريدى : دانا يا باشا بافكر فى اليوم ولا الف مرة دانا حتى ببقى واقف خدمة وسرحان فى الجواز بس اعمل اية العين بصيرة والايد قصيرة
انا روحت البنك علشان اجيب قرض على مرتبى علشان اتجوز بية قالولى هنديك 10 الاف جنية
وناخد كل مرتبك وتجيب امك نحطها فى البنك ضمان لغاية ماتسدد وتجيب العمدة بتاعكم يضمنك
قالتلهم العمدة ساهل بس امى كبيرة فى السن ومش هتتحمل الضمان ممكن تموت فى البنك وتوديكم كلكم فى ستين داهية ........... قالولى خلاص بلاش احسن..... وقعدت كدة مستنى امى لما تموت علشان اروح اصرف القرض...... بس خايف يخدونى انا مكانها ويدونى ال10 الاف جنية بس يقوللى مش حتتطلع بيهم من البنك غير لما تسددهم بعد 5 سنين

القائد : لا يا سيدى ماتخافش انا هاخليك تاخد دورة ازاى تخلى البنك يديك 10 مليون ومن غير اى ضمان ويتحايل عليك كمان علشان تاخدهم

هريدى : ازاى دة يا باشا

القائد : انت هتقعد وتعيش هنا مع المعلمين الكبار الكبار قوى اللى سواها بالارض اللى جابوا درفها

هريدى : ومين دول يا باشا

القائد : انت مش عايش فى مصر ولا اية

هريدى : لا يا باشا انا من العمور مركز المراغة محافظة سوهاج

القائد : افهم يا روح امك انت جاى هنا تشوف المعلمين دول عايزين اية فى الزنزانة بتاعتهم وتعملهولهم مش عايز حد يشتكيلى منك انت هنا لا ارى ولا اسمع ولا اتكلم واللى عايزيوا تنفذة بالحرف ومن عير ماتسال
وبعد مايجى عشماوى يستلمهم .... ابقى شاور نفسك

هريدى: امرك يا افندم